"Сіздің жұмысыңыз әрқашан жемісті болсын"

Павлодар облысы Полиция департаментінің бастығы Василий Склярға қала тұрғынынан алғыс түсті.

- Екібастұз қаласының полиция қызметкерлеріне алғысымды білдіргім келеді. Мереке күндері біз банк картасын жоғалттық. Кейінірек, менің телефонымда банктің қосымшасынан дүкендегі тауарлар менің шотымнан төленетінін көрдім. Дәл жаңа жыл алдында! Бұл менің отбасым үшін жағымды жаңалық емес екенін білемін. Біз бірден полицияға хабарластық. Мен үшін полиция қызметкерлерінің жұмысы, олардың іс-әрекеттері, кәсіби шеберлігі жақсы әсер қалдырды. Криминалдық полиция бастығы Нұрбек Тақыров бізді тыңдап, жедел уәкілдер Асхат Сатыбалдинов пен Ислам Әжіхановқа тапсырма берді. Біз мәлімдеме жазып жатқанда, жедел уәкілдер дүкендердегі бейнекамераларды көруге барып, картамызды пайдаланып, оны әкелген адамды тапты. Ісіміз оңынан шешілді, ақша қайтарылды. Менің өтінішім тез қаралады деп ойламадым. Полиция майоры Тақыровқа, полиция капитаны Байбекке, полиция капитаны Сатыбалдиновке және полиция аға лейтенанты Әжіхановқа үлкен рақмет. Сіздің жұмысыңыз әрқашан жемісті болсын,  денсаулығыңыз мықты болып,  отбасыларыңызға әл-ауқат тілеймін, - деп жазды екібастұздық.