«Еңбегіңіз үшін рақмет, біздің учаскелік инспектор»

Учаскелік инспекторлардың негізгі міндеті - оған бекітілген учаскенің аумағында қауіпсіздік пен құқықтық тәртіпті қамтамасыз ету болып табылады. Ал учаскелік инспекторы жұмысы үшін үлкен құрмет -тұрғындардың алғысы.

Мәселен, @dp_pavlodar инстаграм-парақшасының директіне Павлодар қ. ПБ Оңтүстік полиция бөлімінің учаскелік инспекторы Сабыр Саиповқа оның қызмет көрсететін үйлердің бірінің тұрғындарынан алғыс хат келіп түсті.

- Үй тұрғындары атынан біздің учаскелік инспекторы, Сабыр Сағадатұлына тұрғындардың әрбір өтініші бойынша жедел көмек көрсеткені үшін алғыс айтқым келеді. Күнделікті қажырлы еңбегіңіз үшін рақмет. Сізге денсаулық пен алдағы жұмыста табыс тілейміз, - деп жазады жазылушы.