Қызмет үшін алғыс

Павлодар облысы полиция департаментінің бастығы Василий Склярдың атына павлодарлық Андрей Командиннен алғыс хат келіп түсті.               

Андрей Валерьевич өз хатында "639" экипажының автопатрулінің қызметкерлері полиция аға лейтенанты Ринат Игликовке және полиция кіші лейтенанты Рамазан Сағындықовқа өз алғысын білдіреді.

- 28 желтоқсанға қараған түні жеке сектор көшесінде алабай тұқымды ит жүгіріп адамдарға секірген. Аялдамада тұрған екі адам адамдарға секірген итті қалай тыныштандыратынын білмей, полицияға  қоңырау шалған. Келген полицейлер өз өмірлерін қатерге тігіп, иттің иесін іздеп тауып, иесі итті үйіне алып кеткен, - делінген хабарламада.

Ризашылық білдірген қала тұрғыны полиция қызметкерлеріне  өз алғысын білдіріп, қызметтерінде сәттілік тілеген.

- Ризашылықтың себептері әртүрлі, бірақ ең маңыздысы полицейлердің жұмысы назардан тыс қалмайды.  Өйткені, мұндай хаттар-полицияның білікті кәсіби қызметінің ең жақсы дәлелі,-деп атап өтті полицейлер.