Полиция қызметкерлеріне алғыс!

Павлодар облысы Полиция департаментінің бастығы Василий Склярдың атына күн сайын өңір полицейлеріне алғыс хаттар келіп түседі.

Келесі алғыс хат Павлодар қаласы ПБ Орталық полиция бөлімінің тергеу бөлімшесінің тергеушісі Тоқтаров Әлібек, криминалдық полиция бөлімшесінің жедел уәкілі Аленов Алмаз, сондай-ақ жедел криминалистикалық топтың криминалисі Әлібеков Линардың атына келіп түсті.

- 06 желтоқсанда қала тұрғыны "iPhone-11" маркалы ұялы телефонын жоғалтып, оны өзі іздеген, бірақ телефон өшірулі болғандықтан, телефонның жоғалғаны туралы полицияға хабарладым. Полиция қызметкерлері дереу менің телефонымды іздеуге кірісті. Нәтиже көп күттірмеді, полиция қызметкерлері телефонды тауып, маған қайтарды, - деп жазды қала тұрғыны.

Өтініш беруші танысының көлігімен белгіленген жерге жетіп,  кейін  ұялы телефонның жоғалғанын анықтады. Ол полициядан көмек сұрауға шешім қабылдады, полицейлер көлік иесіне хабарласып, көліктің салонын қарады. Белгілі болғандай, телефон көлік орындықтарының арасына түсіп кеткен. 

Полицейлердің кәсібилігі мен жеделдігінің арқасында ұялы телефон табылды.

- Жақсы және жедел жұмыс үшін полицейлерге рақмет айтамын. Сіздерге зор денсаулық және қызметте сәттілік тілеймін,- деп жазады қала тұрғыны.