Маңғыстауда көші-қон заңнамасын бұзғандардан 13 миллион теңгеден астам айыппұл өндірілді

Көші-қон полициясы қызметінің негізгі бағыты шетелдіктердің елдегі жүріп-тұруын бақылауда ұстау және олардың заң бұзушылықтарға жол бермеуін қадағалау болып табылады. Ағымдағы жылдың сегіз айлық көрсеткіші бойынша көші-қон саласының қызметкерлерімен ел аумағында болу заңнамасы және басқа да әкімшілік құқық бұзған 5000-нан астам шетелдік жауапкершілікке тартылды. Тәртіп сақшыларымен әкімшілік жауапқа тартылған шетелдіктерден 13 млн. 465 мың 239 теңге көлемінде айыппұл өндірілді.

Сондай-ақ, 407 шетелдік ел аумағынан тысқары шығарылды. Ал алимент төлеуден жалтарып жүрген іздестірудегі 95 азаматтың 78-і анықталды.

Бұдан бөлек, тіркеуде тұрған 115 борышкердің 93-і жауапқа тартылды.

Маңғыстау облысы ПД көші-қон саласы заңнамасын қатаң сақтауға және құқық бұзушылықтарға жол бермеуге шақырады.