Әлеуметтік желілерді мониторингтеу кезінде Маңғыстау облысы Шетпе ауылында жасөспірімдердің жиынының видеосы анықталды

Белгілі болғандай, видео ағымдағы жылдың 8 қазанында сағат 22.00 шамасында Шетпе ауылындағы теміржол вокзалының жанында түсірілген. 16-17 жас аралығындағы 18 жасөспірімнің жеке басы анықталды. Олар ата-аналарымен бірге полиция бөліміне жеткізілді.

Кәмелетке толмағандардың заңды өкілдері ҚР ӘҚБтК-нің 442-бабы 2-бөлігі бойынша жауапкершілікке тартылды. Сондай-ақ олардың әрқайсысымен профилактикалық әңгіме жүргізілді.

Айта кетейік, бұл факт бойынша ешқандай шағымдар мен өтініштер түскен жоқ.