Маңғыстау полициясы банк карталарынан ақша қаражатын ұрлаудың алдын алу бойынша қауіпсіздік шаралары туралы еске салады

Тәжірибе көрсеткендей, қаскүнемдердің құрбаны болмас үшін қарапайым сақтық шараларын сақтау керек. Сонымен, егер сізге банк қызметкерлері болып көрінетін бейтаныс адамдар қоңырау шалса және сіздің банк картаңыздан ақша ұрлау әрекеті туралы хабарласа, оның деректемелерін хабарлауды талап етсе, ешқандай жағдайда мұндай қулықтың құрбаны болмаңыз. Бұл алаяқтардың әрекеті!

Сондай-ақ, қаскүнемдер сізге танымайтын нөмірден ғана емес, сонымен қатар телефоныңызда қызмет көрсететін банк ретінде жазылған абонент ретінде де қоңырау шала алатындығын есте ұстаған жөн. Егер осындай сылтаумен сізден ұялы телефонға немесе банкоматқа белгілі бір комбинацияны теру сұралса, мұны жасамаңыз. Бұл жағдайда алаяқтар сіздің жинақ ақшаңызды қолды қылуы мүмкін.

Мұндай телефон қоңыраулары келіп түскен кезде сіз дереу банкке "жедел желі" нөмірі бойынша қоңырау шалып, сіздің шотыңыздың бүтін екеніне көз жеткізуіңіз керек.

Егер сіз қашықтан алаяқтықтың құрбаны болсаңыз, дереу жақын маңдағы полиция бөліміне хабарласыңыз немесе 102 нөміріне қоңырау шалыңыз.

Адамдар банктік төлем карталарын жоғалтатын кездер болады. Егер сіз біреудің жоғалтқан банк картасын тапсаңыз, ең алдымен картаны шығарған банкке хабарлау қажет. Біреудің картасын тапқаныңызды айтыңыз, алдыңғы жағынан 16 таңбалы нөмірді атаңыз. Әрі қарай-оператордың жұмысы. Ол иесімен байланысады, ақпаратты нақтылауды сұрайды, жоғалған картаны бұғаттайды және жаңасын береді.