Қарақия полициясы мас жүргізушіні ұстады

2021 жылдың 24 қаңтарында сағат 17:25-те Қарақия аудандық Полиция бөлімінің учаскелік инспекторлары Құланды ауылында "ВАЗ-21074" маркалы автокөлігін тоқтатты.

Медициналық куәландыру нәтижелері бойынша 43 жастағы көлік жүргізушісінде алкогольдік масаңдықтың орташа дәрежесі бар екені анықталды.

Сонымен қатар, Жаңаөзен қалалық сотымен аталған ер адам осыған ұқсас дерек бойынша бес жылға көлік жүргізу құқығынан айырылған.

Аталған факті бойынша ҚР ҚК 346-бабының 1-бөлігі бойынша сотқа дейінгі тергеу басталды.

Сотқа дейінгі тергеу жалғасуда.