Ақтау полициясы 90 келіден астам балықты ұстады

2021 жылғы 25 қаңтарда сағат 17:25-те қала жолында полицейлер "Toyota Camry" маркалы автокөлігін тоқтатты. Оның салонынан бекіре тұқымдас балық табылды.

Тексеру барысында жалпы салмағы 90 кг-нан асатын 26 дана балық тәркіленді.

Бұл ретте, 29 жастағы жүргізуші қандай да бір рұқсат құжаттарын ұсына алмады.

Аталған факті бойынша ҚР-ның ҚК-нің 339-бабының 1-бөлігі бойынша сотқа дейінгі тергеу жүргізілуде, күдіктіге қатысты ешқайда кетпеу туралы бұлтартпау шарасы қолданылды.

Тергеу жалғасуда.