Бүгін жеке құрамның ішкі Істер органдарының ардагерлерінің қатысуымен кездесу өтті

Маңғыстау ауданы Полиция бөлімінде ТҰҢҒЫШ ПРЕЗИДЕНТ КҮНІ мерекесіне орай, бүгін жеке құрамның ішкі Істер органдарының ардагерлерінің қатысуымен кездесу өтті. Бұл шараның басты мақсаты Елбасының сан қырлы талант иесі және қадірлі тұлға екенін жас ұрпаққа таныту болып табылады.

 

"Бүгін полиция қызметкерлері үшін елімізге еңсе тіктетіп, мемлекетімізді мығымдап берген, халқымызды әлемге танытып, алаш баласының абыройын асқақтатып, елін сүйген, елі сүйген Елбасынан үлгі алуға тәрбиелеу бағытында кездесуді ұйымдастырып отырмыз", - деді бөлім басшысы Рашид Қуандықов.
    

Кездесу барысында Ішкі Істер органдарының ардагерлері Мақашов Жәукен Мақашұлы мен Боранбайұлы Едіге жеке құрамды мерекемен құттықтап, Елбасының ерен еңбегі туралы және өздерінің қызмет жолдарын айтып, өмірлік тәжірибелерімен бөлісті. Сонымен қатар, Ішкі істер органдары қызметкерлерінің арасында моральдық және психологиялық тұрақтылықты нығайту бойынша сұхбат жүргізді.

       МАҢҒЫСТАУ АУДАНЫ ПОЛИЦИЯ БӨЛІМІ.

Дата публикации

27 ноября 2020

Дата обновления

27 ноября 2020

Тип

"Ардагер" журналы