Маңғыстау полициясы алаяқтықтың жиілеп кеткені туралы ескертеді

Ақтау қаласының Полиция басқармасына үш тұрғын алаяқтық туралы арыз берген. Ақтаулықтар алаяқтың құрбанына айналды, ол оларға жиһаз жасауға уәде берді, бірақ алдын ала төлем алғаннан кейін жоғалып кетті. Алданған азаматтар полицияға алаяқты табу туралы арызданды. Олардың айтуынша, келтірілген шығынның жалпы сомасы 200 000 теңге құрады.

Жедел-іздестіру шаралары барысында криминалдық полиция қызметкерлері 31 жастағы күдіктіні анықтап, ұстады. Алаяқтық фактісі бойынша сотқа дейінгі тергеу амалдары жүргізілуде. Күдіктіге қатысты ешқайда кетпеу туралы қолхат түрінде бұлтартпау шарасы қолданылды.

"Ешқашан алдын-ала төлем жасамаңыз, бейтаныс адамға ақша аудармаңыз. Егер Сізге қатысты қылмыс жасалса, дереу полицияға хабарласыңыз!",- деп атап өтті Маңғыстау облысының Полиция департаментінің бастығы Жанарбек Бақтыбаев.