Ағымдағы жылдың 10 айында 40-тан астам жүргізуші мас күйінде көлік жүргізген

Мас күйінде жол қозғалысы ережелерін бұзғаны үшін автокөлік иелері түрмеге түсуі мүмкін, 2020 жылы Қазақстанда мас күйінде көлік құралдарын басқаруға жауапкершілікті күшейтетін заң күшіне енген болатын.

 

Мәселен, осы жылдың 10 айында мас күйінде көлік жүргізгендердің саны 38% -ға төмендеді. Алайда, алкогольдік мас күйінде қайтадан рульге отырған автокөлік жүргізушілері әлі де бар. Ақтау қалалық Полиция бөлімінің патрульдік қызмет батальонының қызметкерлері 42 жүргізушіні Қазақстан Республикасы Қылмыстық кодексінің 346-бабына сәйкес мас күйінде басқарғаны үшін ұстады.

Полиция қызметкерлері материалды Ақтау қаласының мамандандырылған әкімшілік сотына жібереді, онда құқық бұзушыларға жаза белгіленеді.

Жол-көлік оқиғасы жүргізушісінің мас күйінде болғаны үшін жазаны қатаңдату "әділ" болып табылады, себебі аталған заң азаматтардың жолдағы қауіпсіздігін қамтамасыз етуге, халықтың денсаулығын сақтауға бағытталған. Заңның өзгеруі жол апаттарының алдын алуға айтарлықтай ықпал етеді және мас күйінде көлік жүргізетін жүргізушілерге әсер етеді.

Дата публикации

13 ноября 2020

Дата обновления

13 ноября 2020

Тип

Талдамалық мақала