Облыс бойынша 26 мобильді мониторинг тобы құрылды

Маңғыстау полиция ведомствосы карантин талаптарын бұзғандарды анықтау бойынша аймақта жүргізіліп жатқан жұмыстар туралы хабарлады.

 

Маңғыстау облысы Полиция департаментінің бастығы генерал-майор Жанарбек Бақтыбаевтың айтуы бойынша, бұл жұмыс үшін облыста арнайы мониторингтік топтар құрылды, олардың құрамына жергілікті атқарушы билік органдарының өкілдері, санитарлық-эпидемиологиялық қызмет қызметкерлері мен полиция қызметкерлері кірді. Облыс бойынша 26 мобильді мониторинг тобы құрылды.

 

"Азаматтардың көп болатын жерлеріне тұрақты тексеру жүргізіледі. Бұдан басқа, жедел бөлімшелер санитарлық дәрігердің талаптарына қарамастан жұмыс істейтін массаж салондарын, сұлулық студияларын, барларды, мейрамханаларды анықтау бойынша жұмыс жүргізуде. Арнайы рейдтік іс — шаралар барлық жерде және тұрақты негізде жүргізіледі", - деп атап өтті полиция басшысы Ж. Бақтыбаев.

Дата публикации

05 августа 2020

Дата обновления

05 августа 2020

Тип

Мониторинг