Маңғыстау облысының Полиция департаменті есірткі қылмысына қарсы іс-қимыл басқармасы, тұрғын үйлерге қызмет көрсету ұйымдарының (КСК) өкілдері және полиграфия иелерінің қатысуымен есірткінің заңсыз айналымын жарналмауға қатысты жиналысын өткізді.
Кездесу барысында Есірткі қылмысына қарсы іс-қимыл басқармасының бөлім басшысы есірткінің заңсыз айналымына қатысы бар сайттарды жарнамалау түрлері және бұндай қылмыс жасағаны үшін қылмыстық жауапкершілік қарастырылғаны туралы баяндады.
Әртүрлі есірткі құралдарын заңсыз жарнамалау жауапкершілікке жататынын және 3 жылдан 6 жылға дейінгі мерзімге бас бостандығынан айыруды көздейді.
Өкінішке орай, түсіндіру, алдын алу шаралары үздіксіз жүргізілгенмен есірткінің заңсыз айналымы туралы жасырын жарнамалар қоғамдық орындарда көбеюде.
PS: Егер сізге есірткі және психобелсенді заттарды сақтау, өткізу фактілері белгілі болса, сондай-ақ оларға қатысы бар адамдарды сіз Маңғыстау облысы Полиция департаментінің есірткі қылмысына қарсы іс-қимыл басқармасының анонимді сенім телефондарына хабарлай аласыз.