Облыс орталығының тұрғыны анықтаушыға алғыс білдірді

26 қазан 2020 жылы Қызылорда қаласының тұрғыны Қадыркұлов Кенжеғали Қызылорда қалалық Полиция басқармасына келіп, полиция қызметкерлеріне өз алғысын  білдірді.

Ағымдағы жылдың  қыркүйек айының 4 күні үй ауласына шатырын жасап беремін деп, 350 мың теңге ақшасын алдап алып, алаяқтың құрбанына түскені жайында бұл азамат Полиция басқармасына арызданған. Басқарманың анықтаушысы полиция майоры Ахметова Ляззат қылмыстық іс бойынша дәлелдемелерді жинақтап, сотқа дейінгі тергеп-тексерудің толықтығы мен жан-жақтылығын қамтамасыз етіп, тергеу нәтижесімен қылмыстық істі  сотқа жолдаған.

Сот үкімімен жәбірленушіге келген шығын толығымен өндірілді.    

Қала тұрғыны Қызылорда қалалық Полиция басқармасы Анықтау бөлімінің басшылығы мен  анықтаушысы полиция майоры Ляззат Ахметоваға қызметінде белсенділік пен кәсіптік шеберлігін танытқаны үшін өз алғысын білдіріп, алдағы  уақытта  жұмыстарына  табыс  тіледі.

Қызылорда облысы Полиция департаментінің баспасөз қызметі