Полицейлерге аудан тұрғыны алғысын білдірді

       Қызылорда облысы Жалағаш ауданының тұрғыны әлеуметтік желілер арқылы ұрланған велосипедін тапқан полиция қызметкерлеріне алғыс айтып, жұмыстарына сәттілік тіледі.

26 қазанда Жалаш аудандық полиция бөліміне тұрғын үйінің ауласындағы велосипедін белгісіз біреу ұрлап кеткені туралы хабарлаған.  

        Жедел-іздестіру іс-шараларының барысында учаскелік инспектор полиция капитаны Шөмекеев Ғазиз осы кенттің азаматын анықтап, ұстады. Велосипед алынып, иесіне қайтарылды.

       Аталған дерек бойынша Қазақстан Республикасы Қылмыстық кодексінің 188-бабының 3-бөлігімен (ұрлық) сотқа дейінгі тергеу жүргізілуде.

Қызылорда облысының Полиция департаментінің баспасөз қызметі