Қызылордада ауыл тұрғындары полицейлерге алғысын айтты

     «Өз қызметін жақсы атқарған полицейлердің жұмысы үшін, атап айтқанда Қызылорда облысы Полиция департаментінің Шиелі аудандық полиция бөлімінің криминалдық полиция бөлімшесінің бастығы полиция майоры Қанат Өсербайұлына, осы бөлімнің аға жедел уәкілдері полиция майоры Ғалым Мәмбетов пен полиция майоры Ерлан Исмайловқа зор алғысымызды білдіреміз», - дейді Шиелі ауданының тұрғындары Ысқақ Әлімжан мен Жылқайдаров Мұхит.

     4 қыркүйекте полицияға тұрғындар  жайылымнан екі бас сиыры ұрланғандығы жөнінде арызданады.  Мән-жайларды анықтау кезінде Ақтам ауылының «Қалған Дария» учаскесінен жайылымдағы сиырларының  қайтпағаны белгілі болды.

     Хабарлама түскеннен кейін полиция қызметкерлерімен жүргізілген жедел-іздестіру іс-шараларының нәтижесінде ізін суытпай күдікті анықталып, ұсталады. Аталған  дерек бойынша сотқа дейінгі тергеп-тексеру амалдары жүргізілуде. Айғақ заттар алынды.

     Азаматтар полицейлерге дән риза. Олар кезекші тәулікте жоғалған малды тапқан қызметкерлердің үйлесімді, нақты әрекеттерін атап, қызметтеріне сәттілік тіледі.

Қызылорда облысы Полиция департаментінің баспасөз қызметі