Қызылордада ұрланған бірнеше малын тауып берген полиция қызметкерлеріне тұрғындар алғыс айтуда

Қызылорда облысының Қармақшы аудандық полиция бөлімінің қызметкерлері жедел уәкілдер полиция капитандары Тоқабаев Алмат, Балымбетов Нұрбол және учаскелік полиция инспекторлары полиция капитаны Әбдіқасов Еркін, полиция майоры Ұзақбаев Жеңістер бірлесіп Тұрмағанбет ауылы тұрғынының былтыр 2019 жылдың қазан айында өрісте жайылып жүрген 1-бас сиырын және Қармақшы ауданы, Қармақшы ауылы тұрғынының қорасынан 2020 жылдың қаңтар айында ұрланған қойларын  іздестіру жұмыстарының нәтижесінде тауып берген.

         Күдіктілер анықталып, қылмыскерлердің заңсыз іс-әрекеттері дәлелденіп, қылмыстық іс сотта қаралып, шешім шығарылды.       

         Ауыл тұрғындары ұрылардың ұсталып, олармен келтірілген шығын қайтарылғанын айтып, қызметіне деген жауапкершілік үлгісін танытқан полиция қызметкерлеріне өздерінің алғысын әлеуметтік желілер арқылы бейнежазбаларында білдіруде.

Қызылорда облысы Полиция департаментінің баспасөз қызметі