Осы Заңмен «Құқық қорғау қызметі туралы» Заңға елеулі өзгерістер енгізілді, оның бірі 2003 жылдан 2016 жылға дейінгі кезеңде жұмыстан босатылған, босату кезінде жиырма бес және одан көп жыл жалпы еңбек өтілі бар, оның кемiнде он екі жыл және алты айын үзіліссiз әскери қызмет, арнаулы мемлекеттік органдардағы және құқық қорғау органдарындағы, мемлекеттік фельдъегерлік қызметтегі қызмет құрайтын және шектi жасына толуына не штаттың қысқартылуына немесе денсаулық жағдайына байланысты шығарылған ішкі істер органдарының қатардағы және кіші басшы құрамдағы қызметтен босатылған қызметкерлеріне еңбек өтілі үшін зейнетақы төлемдерін алу құқығын қамтамасыз ету болып табылады.