Қарағандылық полицейлер бір топ жастардың бұзақылық әрекеттеріне тосқауыл қойды

Қарағанды облыстық Полиция департаменті Ұйымдасқан қылмысқа қарсы күрес басқармасының қызметкерлері қаладағы сауда үйлерінің бірінің маңындағы автотұрақ маңында өзара қарым-қатынасын айқындамақ болған бір топ жастардың бұзақылық әрекетіне тосқауыл қойды. Полицияға 42 адам жеткізілді, оның 11-і кәмелеттік жасқа толмағандар. Полиция қызметкерлері ұсталғандардан пышақ, тапаншаға ұқсас зат, кастет және 7 көлік тәркіледі. Көліктер Қарағанды қалалық полиция басқармасының автотұрағына қойылды.  Аталған дерек бойынша Қазақстан Республикасы Қылмыстық кодексінің 293 бабына сәйкес қылмыстық іс тіркелді. Тергеу амалдары жүргізілуде.