Қарағанды облысында нәзік жанды полицейлер арасында тапаншадан ату бойынша жарыс өтті.

Халықаралық Әйелдер мерекесі қарсаңында Қарағанды облыстық полиция департаментінде нәзік жанды пагон таққан арулардың арасында жауынгерлік қарудан оқ ату бойынша жарыс бойып өтті. Аталған шараға 9 команда қатысты. Жарыс қорытындысы бойынша макаров тапаншасынан 1 жаттығу орындау бойынша бірінші орынды Зарина Рахат (Оңтүстік-шығыс ПБ) қанжығасына байласа, екінші орынды Татьяна Акимова (Абай аудандық ПБ), ал үшінші орынды Мадина Тойшибекова (Жаңа-Майқұдық ПБ) иеленді. Макаров тапаншасынан 5 жаттығуды орындау жарысы бойынша жүлделі бірінші орынды Гүлім Жұманова (облыстың ПД әкімшілік полиция басқармасы) иеленсе, екінші орынды Мадина Тойшибекова (Жаңа-Майқұдық ПБ), ал үшінші орынды Зарина Рахат місе тұтты. Жалпы командалық орындарға келер болсақ, бірінші орынды Жаңа-Майқұдық полиция бөлімінің нәзік жандылары жеңіп алса, екінші орынды Оңтүстік-Шығыс полиция бөлімі ал үшінші орынды облыстың ПД әкімшілік полиция басқармасының командасы жеңіп алды.