Қарағандыдағы сауда үйлерінен темір арба ұрлап, металл қабылдағыш орынына тапсырып жіберген күдікті ұсталды

11 шілде күні Қарағанды қалалық Полиция басқармасына қарасты Орталық Полиция бөліміне қаладағы сауда үйлерінің бірінің басшылығынан арыз түсті. Жәбірленуші арызында белгісіз біреу сауда үйіне тиесілі 5 темір арбаны ұрлап кеткені туралы көрсеткен. Оларға келтірілген шығын көлемі 42 мың теңгені құраған. Аталған факті бойынша Қазақстан Республикасы Қылмыстық Кодексінің 188 бабына сәйкес қылмыстық іс қозғалды. Оқиға орынына келген полиция қызметкерлері сауда үйлерінде орналасқан бейнебақылау камераларына тексеріс жұмыстарын жүргізді. Ондағы жазбаларды қарау барысында бірінен кейін бірін ұрлауға ыңғайлы жерге қойып жатқан азаматтың бейнежазбасы анықталды. Сол бейне жазба арқылы күдіктінің кескіні дайындалды. Жедел әрекеттер жүргізу барысында қаладағы металл өнімдерін қабылдайтын орындарға тексеріс жүргізіліп, олардың бірінде бірер күн бұрын күдіктіні көргендер анықталды. 20 шы шілде күні криминалдық полиция қызметкерлерімен жүргізілген кешенді іс-шаралар барысында криминалдық полиция қызметкерлерімен осы іске қатысы бар деген күдікпен 27 жастағы азамат анықталып ұсталды. Ол мойындау көрсетпе белгілерін берді. Тергеу амалдары жүргізілуде.