Қарағандыда жүргізуші куәлігін жасап беремін деп алаяқтық жолмен 85 мың теңге ақша қолды қылған алаяқ ұсталды

11 наурыз күні Қарағанды қалалық Полиция басқармасына қарасты Михайлов полиция бөліміне 35 жастағы қала тұрғыны арызбен шағымданды. Азамат өзіне жүргізуші куәлігін жасап алмақшы болған. Тапсырған құжаттарын тездетіп өткізу мақсатында жәбірленуші өзге біреуге 85 мың теңге ақша берген. Алайда, ақша алған бейтаныс жәбірленушімен байланысын үзіп, хабарсыз кеткен. Өзінің алаяқтың құрбаны болғанын түсінген 35 жасар азамат полицияға жүгінген.
Аталған факті бойынша Қазақстан Республикасы Қылмыстық кодексінің 190 бабына сәйкес қылмыстық іс қозғалды.
15 наурыз күні полиция қызметкерлерімен жүргізілген жедел-іздестіру іс-шаралары барсында осы іске қатысы бар деген күдікпен 34 жастағы күдікті ұсталды. Ол мойындау көрсетпе белгілерін берді. Тергеу амалдары жүргізілуде.