Полицейлер Қарағанды облысының тұрғынынан кесілген аңшы мылтығын тәркіледі

9 желтоқсанда Қарағанды облысы Приозерск қаласының полиция бөлімінің қызметкерлері «Құқықтық тәртіп» жедел-профилактикалық іс-шарасын өткізді. Олар кешкі сағат 18.00 шамасында қараусыз қалған көпқабатты үйдің кіреберісіне кіріп, қашып кетпек болған азаматты ұстады.

Полицейлер күдікті адамды – 49 жастағы қала тұрғынын ұстады. Тексеру барысында полицейлер одан нөмірлері жойылған 1957 жылғы бір ауызды кесілген аңшы мылтығын тауып, тәркіледі. Сараптама тағайындалды.

Аталған факті бойынша ҚР Қылмыстық кодексінің 287-бабы «Заңсыз қару алу, беру, өткізу, сақтау, тасымалдау немесе алып жүру» бойынша қылмыстық іс қозғалды. Қазір тергеу амалдары жүргізілуде.