Қарағанды облысында зираттан металл қоршауларды бірнеше рет ұрлаған екі жас жігітті ұстады

Тамыз айының басынан бері Қарағанды облысы Бұқар жырау ауданының полиция бөліміне бір елді мекеннің зиратынан металл қоршаулардың ұрланғаны туралы хабарламалар түсе бастады. Барлық фактілер бойынша ҚР Қылмыстық кодексінің 188 -бабы «Ұрлық» бойынша қылмыстық іс қозғалды.Криминалдық полиция қызметкерлері зират маңын бақылауды қолға алды. Бірнеше күннен кейін зиратқа келіп, қабірлердің біріне тоқтаған екі азаматты байқады. Санаулы уақыттан соң полиция қызметкерлері күдікті - 21 және 22 жастағы екі жас жігітті ұстады.Ұсталғандар қабірлердің бірінен шойын қоршауды ұрламақ болғанын мойындады. Сондай -ақ, полицейлер олардың осындай екі қылмысқа қатыстылығын анықтады. Қазіргі уақытта тергеу жалғасып, шығын көлемі анықталуда.