Қарағанды ​​облысының тұрғынынан есірткі заты табылды

Теміртау қаласының полиция қызметкерлері жергілікті тұрғыннан есірткі сақтайтын қойманы тапты, деп хабарлайды Polisia.kz. Теміртау қаласы ПБ-ның есірткі қылмысына қарсы күрес бөлімінің қызметкерлері есірткі сатумен айналысқан 53 жастағы жергілікті тұрғынды ұстады, одан пәтерінен салмағы 200 грамнан асатын «гашиш» есірткісі тәркіленді. Ұсталған адамның пәтерін тексеру кезінде үйдің шатырында, есірткі сатушының пәтерінің дәл үстінде тұрған есірткі қоймасы табылды. Полиция қоймадан қосымша 600 граммнан астам «гашиш» есірткісін тәркіледі. Аталған факт бойынша ҚР Қылмыстық кодексінің 297-бабы, 3-бөлімі бойынша сотқа дейінгі тергеу басталды. Ұсталған адам уақытша ұстау изоляторына қамалды. Есірткімен заңсыз операция жасағаны үшін ол 10 жылдан 15 жылға дейін бас бостандығынан айырылуы мүмкін.