Қарағандыда Қазақстанның бірнеше облысының тұрғындарын алдаған алаяққа үкім шығарылды
Қарағанды қаласы ПБ-ның тергеу бөлімі алаяқтық фактілері бойынша көп эпизодты қылмыстық істі тергеп, 28 жастағы Қарағанды қаласының тұрғынына қатысты қылмыстық істі аяқтады. Алаяқ әйел интернет-сайттарға аккуантпен тіркеліп, өзгенің аты-жөнін көрсетіп, пәтерлерді қысқа мерзімге жалға беру және жиһаз бен тұрмыстық техниканы арзан бағамен сату туралы жарнамалар орналастырған. Осылайша, ол өзін тұрғын үйдің немесе өнімнің иесі етіп көрсетіп отырған.Қазақстанның әр аймағынан келген азаматтармен алаяқ желі арқылы байланысқан. Сонымен бірге, ол жарнаманы алып тастау керек екенін және пәтер жалдағысы келетіндердің саны жиірек болатынын (жиһаз, тұрмыстық техника сатып алу) түсіндіріп, алдына ала кепіл ақы төлемді алып отырған.Алаяқ басқаларға тиесілі жеке басын куәландыратын құжаттарды, банктік карточкалардың деректемелерін растауға жіберу арқылы клиентердің сеніміне кірген.Сонымен бірге, жарнамада әр түрлі сайттардан тапқан пәтерлердің, жиһаздың, теледидардың, тоңазытқыштың және т.б. фотосуреттерін орналастырып отырған. Ол пәтерлердің мекен-жайларын өзі ойлап тауып, қалалардың карталарын зерттеу арқылы өтірік ақпарат беру жолдарын ұйымдастырған. Бұл қылмыстық істі тергеуді тергеуші полиция аға лейтенанты Арай Қанатбек айналысқан болатын.
- Сотқа дейінгі тергеу барысында күдікті жеке деректерін қолданған барлық адамдар анықталып, жауап алынды. Олар ақшаны қылмыс жасаушының айла-тәсіліне түскен жәбірленушілер аударғанын білмеген. Алаяқтың өзі қаражатты оған туыстары аударған деп түсіндірді. Оның келтірген залалының жалпы сомасы 11 миллион 200 мың теңгені құрады. Барлығы 47 азамат зардап шекті - бұл Қарағанды, Алматы, Ақмола, Шығыс Қазақстан облыстарының, сондай-ақ Нұр-Сұлтан, Алматы, Қостанай тұрғындары. Қылмыстық іс қарау үшін алаяқты үш жылға бас бостандығынан айыру туралы үкім шығарған Қарағанды қаласының Октябрь аудандық сотына жіберілді. Интернетте түрлі сауда жасайтын азаматтарға ескерту жасағым келеді: қаражатты сатушыға жіберген кезде абай болыңыз, ол шынымен де өзі туралы айтатын адам екеніне көз жеткізіңіз », - дейді А.Қанатбек.