Теміртау қаласының полиция қызметкерлері кафеде болған ұрлықты ашты

Теміртауда полиция қызметкерлері дәмханада болған ұрлықты ашты, деп хабарлайды Polisia.kz. 9 желтоқсанда 47 жастағы қала тұрғыны Теміртау қаласы ПБ Ескі қалалық полиция бөліміне хабарласып, түнде белгісіз біреу терезесін сындырып, өзіне тиесілі кафеге кіргенін түсіндірді. Бөтен адам музыкалық араластырғышты, аспаптар қорабын, шананы ұрлап кеткен. Келтірілген шығын мөлшері 818 мың теңгені құрады. Бұл факт бойынша 188-бап «Ұрлық» бойынша қылмыстық іс қозғалды. 11 желтоқсанда «Құқықтық тәртіп» жедел-профилактикалық іс-шарасы барысында криминалдық полиция қызметкерлері күдікті - 20 жастағы жас жігітті ұстады. Ол кінәсін мойындап,айғақты заттар алынды.