Теміртауда мас жүргізуші ағашқа соғылды

Теміртауда мас жүргізуші ағашқа соғылды, деп хабарлайды Polisia.kz. 22 қараша күні Теміртауда сағат 4.00 шамасында Республика даңғылы бойымен келе жатқан Mercedes-Benz автокөлігінің 29 жастағы жүргізушісі рөлге ие бола алмай, ағашты қағып кетті. Жол-көлік оқиғасы салдарынан көлікте болған 30 жастағы әйел түрлі дене жарақаттарын алып, медициналық мекемеге жатқызылды. Медициналық сараптама жол-көлік оқиғасын жасаған адамның алкогольдік мас күйінде болғанын анықтады. ҚР Қылмыстық кодексінің 345-1 бабы «Жол ережелерін бұзу» бойынша қылмыстық іс қозғалды. Қазір тергеу амалдары жүргізіліп жатыр.