Қарағандылық әйел сауда үйінен киім ұрлады

Қарағандылық әйел сауда үйінен өзіне сатылымдағы киімдерді  киіп алып, ұрлық жасады, -деп хабарлайды Polisia.kz. 18 қарашада Қарағанды ​​қаласы ПБ Орталық полиция бөліміне ақпарат келіп түсіп, белгісіз біреу сауда үйлерінің бірінде 27 мың теңгенің тауарларын ұрлап кеткені белгілі болды. Оқиға болған жерге тергеу-жедел тобы жетіп, ұрлық әйелдер киімін сататын бутикте болғандығы анықталды. Ұры төрт свитер, екі жемпірді алып сауда үйінен шығып кеткен. Полиция бейнебақылау камераларын қарау кезінде , бір әйелдің қимыл-қозғалысына назар аударып, жіті бақылады.Көп ұзамай полиция күдікті - 38 жастағы әйелді ұстап, қылмыскер бірнеше ұрлық жасағаны үшін қылмыстық жауапкершілікке тартылған. ҚР Қылмыстық кодексінің 187-бабы «Ұрлық» бойынша қылмыстық іс қозғалды. Қазір тергеу амалдары жүргізіліп жатыр.