Жезқазған полициясы үш сиырдың ұрлануын ашты

24 сәуірде Жезқазған полиция бөліміне 51 жастағы мал иесінен белгісіз біреулердің үш сиырын ұрлағаны туралы хабарлама келіп түсті. Мүлікке келтірілген залал 1 200 000 теңгені құрады. Криминалдық полиция қызметкерлері 26 мен 30 жас аралығындағы үш Жезқазған тұрғынын анықтады. Ұсталғандардан дәлелдемелер тәркіленді. Қылмыстық кодекстің 188-1 бабының 1-бөлігі бойынша сотқа дейінгі тергеу басталды.