ТАҢДАУ – ӨЗ ҚОЛЫҢДА: СТУДЕНТТЕР ЗИЯТКЕРЛІК ОЙЫН ФОРМАТЫНДА ЕСІРТКІ МӘСЕЛЕЛЕРІН ТАЛҚЫЛДЫ

Сүлейман Демирел университетінде жастар арасында есірткіге қарсы профилактиканы насихаттауға арналған «Таңдау – өз қолыңда» атты семинар-тренинг өтті. Іс-шараға бірнеше оқу орнының студенттері қатысты. Ойын 2024 жылдың желтоқсанынан 2025 жылдың наурызына дейін жүзеге асырылып жатқан есірткіге қарсы кешенді іс-шаралар жоспары аясында ұйымдастырылды. Оның мақсаты – жастардың есірткінің зияны туралы хабардарлығын арттыру, сыни тұрғыдан ойлау қабілеттерін дамыту және олардың болашағына жауапкершілікпен қарауды қалыптастыру.

Іс-шараның форматы маңызды ақпаратты жеткізуге ғана емес, студенттерді белсенді талқылауға тартуға мүмкіндік берді. Қатысушылар тақырыптық викториналарды шешіп, нақты өмірлік жағдайларды талдап, нашақорлықтың себептері мен салдарын талқылады. Студенттер психоактивті заттарды қабылдаудан бас тартудың жолдарын үлгілеуге және қатарластарының қысымына қарсы тұру стратегияларын талқылауға мүмкіндік беретін интерактивті кейстерге ерекше қызығушылық танытты.

– Іс-шараның спикерлері қатарында құқық қорғау органдарының қызметкерлері, медицина мамандары және психологтар болды. Олар есірткі таратқаны үшін заң алдындағы жауапкершілік, олардың адам денсаулығы мен психикасына зиянды әсері туралы баяндады. Сондай-ақ есірткіні бір рет қолданудың өзі қаншалықты қауіпті екенін нақты мысалдар арқылы түсіндірді, – деп мәлімдеді нашақорлыққа қарсы күрес қызметкерлері.

Тренинг соңында қатысушылар зиянды әдеттерсіз өзін-өзі жүзеге асыру мүмкіндіктерін талқылап, қоғамда есірткі мәселесіне деген көзқарасты қалай өзгертуге болатыны туралы өз ойларымен бөлісті. Мұндай іс-шараларды өткізу жастардың есірткіге деген тұрақты теріс көзқарасын қалыптастыру және салауатты өмір салтын саналы түрде таңдауға ықпал ететін маңызды қадам болып табылады.