ҚАЗҰУ СТУДЕНТТЕРІНЕ ПОЛИЦИЯ ҚЫЗМЕТКЕРЛЕРІ СТРЕССКЕ ТӨЗІМДІЛІК ПСИХОЛОГИЯСЫ ТУРАЛЫ АЙТЫП БЕРДІ.

Әл-Фараби атындағы Қазақ ұлттық университетінің Халықаралық қатынастар және Шығыстану факультетінде «Стресске төзімділік психологиясы» тақырыбында тәрбие шарасы өтті. Іс-шара БҰҰ-ның Тұрақты даму мақсаттарының бірі – «Жақсы денсаулық және амандық» бағыты аясында ұйымдастырылды.

Қонақ спикер ретінде Қарасай аудандық полиция басқармасының тергеушісі Толғанай Дарханқызы сөз сөйледі. Ол өзінің кәсіби тәжірибесімен бөлісіп, құқық қорғау жүйесіндегі психологиялық аспектілер мен күрделі жағдайларда эмоциялық тұрақтылықты сақтаудың жолдары туралы айтып берді.

Кездесу барысында студенттер тергеуші мамандығының психологиялық жай-күйге қалай әсер ететінін, күйзелісті жеңуге және жұмыс пен жеке өмір арасындағы тепе-теңдікті сақтауға қандай стратегиялар көмектесетінін білді. Диалог мазмұнды әрі пайдалы болды – қатысушылар өздерін қызықтырған сұрақтарын қойып, практикалық кеңестер алды.

Мұндай бастамалар психикалық денсаулықтың маңыздылығы туралы хабардарлықты арттыруға және жастарға құқық қорғау қызметімен байланысты кәсіби қиындықтарды жақсы түсінуге көмектеседі.