АСЕМ МҰХАМАДИЕВА: КӘСІБИЛІКТІҢ ҮЛГІСІ ЖӘНЕ ДӘСТҮРДІҢ ҚОРҒАУШЫСЫ

Құқық қорғау органдарында мыңдаған әйел қызмет етеді. Олар күн сайын күштің тек табандылық пен ерік-жігерден ғана емес, сонымен қатар даналық, өз ісіне адалдық және қызметті отбасылық құндылықтармен үйлестіре білу қабілетінен тұратынын дәлелдеп келеді. Солардың бірі – облыстық департаменттің тәрбие және кадр жұмысы басқармасының аға инспекторы Асем Мұхамадиева.

Ол ішкі істер органдарындағы қызметін 2003 жылы бастаған. Анықтаушы болып жұмыс істеді, кейін штабта, одан соң кадр бөлімінде еңбек етті. Бүгінде оның қызметі талдау жасау, ұйымдастыру-штаттық жұмыс және кадр саясатын қалыптастырумен байланысты. Ол қызметкерлерді іріктеу және орналастыру, олардың кәсіби дамуын қадағалау, аналитикалық жұмыстар жүргізу және стратегиялық жоспарлауға қатысумен айналысады.

– Кадр саласы – бұл жай ғана құжаттар мен есептер емес. Бұл – адамдардың тағдыры, олардың мансабы мен болашағы. Мұнда қателікке жол жоқ, өйткені дұрыс шешім бүкіл жүйенің тиімділігіне әсер етеді, – дейді Асем.

Қызмет еткен жылдары ол мол тәжірибе жинақтап қана қоймай, жеке құрам арасында мінсіз беделге ие болды. Әріптестері оны дәлдігі, ұйымдастырушылық қабілеті және стратегиялық ойлауы үшін бағаласа, жас мамандар оны тәлімгерлігі мен қолдауы үшін құрметтейді.

Сонымен қатар, Асем – сүйікті жар, екі қыздың аяулы анасы. Қызметтегі жоғары жүктемеге қарамастан, ол отбасына уақыт табады, өйткені әйел адамның мансапта табысты болуы маңызды, алайда ең бастысы – сені жақсы көріп, сағынып күтетін үйдің болуы деп санайды.

8 Наурыз қарсаңында оның өмір жолы – нағыз әйел күші кәсіби мақсаттарды, даналық пен отбасына деген адалдықты үйлестіре білуінде екенін еске салады. Оның үлгісі жігерлендірсе, еңбегі – мықты кадрлар мен тұрақты құқық қорғау жүйесінің кепілі.