ГҮЛНҰР БОЛАТОВА: ЗИЯТКЕРЛІК, СПОРТ ЖӘНЕ НӘЗІКТІК

Полициядағы әйелдер – бұл тек күш пен тәртіп қана емес, сонымен қатар білім, талғампаздық және мақсаткерлік. Гүлнұр Болатова – осының жарқын үлгісі. Заң ғылымдарының магистрі, спортшы және көрікті бойжеткен ол қызметін белсенді азаматтық ұстанымымен ұштастырып, өз үлгісімен айналасын шабыттандырып келеді.

Гүлнұр мамандық таңдауда көп ойланған жоқ. Оның әкесі – ішкі істер органдарының ардагері, әрі ол қызы үшін табандылықтың, ар-намыстың және адалдықтың басты үлгісі болды. Әкесінің қызметі туралы әңгімелері, әріптестерінің құрметі мен атқарған жұмысына деген мақтанышы Гүлнұрды осы жолға түсуге ынталандырды.

2022 жылдан бері ол ішкі істер органдарының жедел қызметінде еңбек етіп, өз кәсіби жолын нық қадаммен жалғастыруда. Нақтылық, жауапкершілік және жедел шешім қабылдау қабілеті – оның басты артықшылықтары. Бірақ оның өмірі тек жұмыспен шектелмейді. Спорт – күнделікті өмірінің маңызды бөлігі. Гүлнұр ұзақ қашықтыққа жүгіру бойынша бірнеше мәрте жүлдегер атанып, төзімділік пен ерік-жігер оның ажырамас қасиеттері екенін дәлелдеді.

Соған қарамастан, ол нәзіктігі мен үйлесімділігін сақтай біледі. Оның сүйікті ісі – атқа міну, бұл оған тыныштық сыйлап, табиғатпен ерекше байланыс орнатуға көмектеседі.

– Формамыз бен погондағы жұлдыздар әйелдік болмысымызға кедергі келтірмейді. Мықты болуға болады, бірақ сонымен бірге өз нәзіктігіңді жоғалтпау маңызды, – дейді Гүлнұр.

Оның үлгісі қазіргі заманғы әйелдерге кәсіби өрлеуді, спортты және сүйікті ісін үйлестіре отырып, нәзіктігін сақтауға болатынын көрсетеді. Ең бастысы – өз мақсатыңа сеніммен, мақтанышпен және ішкі жарығыңмен ұмтылу.