ӘЙЕЛ-ОФИЦЕР: МІНЕЗ КҮШІ ЖӘНЕ БАСҚАРУДЫҢ ӘДІС-ТӘСІЛДЕРІ

Кез келген жүйеде стратегия мен орындалу ғана емес, ресурстарды сауатты басқару да маңызды рөл атқарады. Полиция департаментінде бұл жауапты міндетті қаржылық қамтамасыз ету басқармасының бастығы, полиция полковнигі Ардақ Әлменова атқарады. Ол өз кәсібіне және қызметіне 20 жылдан астам уақыт бойы адал қызмет етіп келеді.

Ардақ Қазбекқызы ішкі істер органдарына 2001 жылы келіп, алғашқы күндерінен бастап өзін сауатты маман және жауапты басшы ретінде көрсетті. Оның мансабы-табандылықтың, адалдықтың және үнемі жетілдіруге ұмтылудың жолы.

Бүгінде ең жауапты лауазымдардың бірін атқара отырып, ол тек департаменттің қаржылық тұрақтылығын бақылап қана қоймай, сонымен қатар жеке құрамды материалдық қамтамасыз ету, бөлімшелерді жаңғырту және бүкіл жүйенің тиімді жұмыс істеуі үшін маңызды стратегиялық шешімдер қабылдайды.

– Қаржы саласы – бұл жай ғана сандар емес, бұл әрбір қызметкердің әлеуметтік тұрақтылығы мен қызмет жағдайына деген жауапкершілік. Мен үшін полиция қызметкерлерінің өз болашағына сенімді болуы, барлық процестердің ашық әрі уақытылы жүргізілуі маңызды, – дейді А. Әлменова.

Полициядағы қызмет – әрқашан үлкен сынақ, ал басшылық лауазымда бұл жауапкершілік еселене түседі. Полиция полковнигі ретінде Ардақ Әлменова күн сайын кәсібилік, тәртіп және көшбасшылық қасиеттердің жынысқа тәуелді емес екенін дәлелдеп келеді.

– Құқық қорғау органдарында әйел болу – ерекше миссия. Сізге қиын шешімдер қабылдау, күйзеліске төтеп беру және адамдар үшін жауапты болу керек. Бірақ бұл күш – жүйеге тірек және әріптестер үшін үлгі бола алатын қасиет, – дейді ол.

Қызмет еткен жылдары облыстық полицияның қаржы саясатын дамытуға зор үлес қосып қана қоймай, оларға өз тәжірибесі мен білімін үйретіп, жаңа буын мамандарын дайындады.

Халықаралық әйелдер күні қарсаңында қоғамның қауіпсіздігі мен тұрақтылығына өз үлесін қосып жүрген барлық әйелдерді ерекше атап өткіміз келеді. Олардың еңбегі көзге түсе бермеуі мүмкін, бірақ ол бүкіл жұмыс жүйесі үшін аса маңызды.