ПОЛИЦИЯ ЖӘНЕ СПОРТ: КҮШ – БІРЛІКТЕ

Алматы облысында спорт полиция қызметінің ажырамас бөлігі.

Полиция департаментінің бастығы Мейрам Әбікеев дене шынықтыру – кәсіпқойлықтың маңызды элементі екенін жеке мысалмен дәлелдейді. Ол үнемі жаттығуларға қатысып, жеке құрам арасында спорттық бастамаларды қолдап, өзі де белсенді түрде ойын алаңына шығады.

Бұл сөздің тағы бір айғағы – өткен жұма күні департамент қызметкерлері арасында өткен волейбол матчы, онда департамент бастығы да белсенділік танытты. Мұндай шаралар командалық рухты нығайтып қана қоймай, сонымен қатар қызметкерлер арасында салауатты өмір салты мәдениетін қалыптастыруға ықпал етеді.

– Полиция – бұл тек қоғамдық тәртіпті сақтау ғана емес, сонымен қатар жоғары физикалық төзімділік. Спорт – тәртіпке баулиды, мінезді шыңдайды және қызметтік міндеттерді тиімді орындауға көмектеседі, – деп атап өтті Мейрам Әбікеев.

Департаментте бірінші басшының өзі үлгі көрсеткен кезде, бұл қызметкерлерді спортпен айналысуға ынталандырып, азаматтардың сенімін арттырады деп есептейді. Тұрақты жаттығулар қазірдің өзінде жақсы дәстүрге айналды, ал салауатты өмір салты әрбір полицейдің кәсіби дамуының бір бөлігі болып табылады.