АЛМАТЫ ОБЛЫСЫНЫҢ ПОЛИЦИЯСЫ ЖҮРГІЗУШІЛЕРДІ АУА РАЙЫНЫҢ НАШАРЛАУЫНА БАЙЛАНЫСТЫ САҚ БОЛУҒА ШАҚЫРАДЫ

Алматы облысының аумағында ауа-райы нашарлауы күтіледі полиция қолайсыз ауа райына байланысты жол қозғалысының барлық қатысушыларына үндеу жасады.

Құқық қорғау органдары жолдардағы қауіпсіздік шараларын сақтау қажеттілігін еске салады және бірнеше маңызды жайттарға назар аударады:

Жолға шығар алдында көлік құралының жарамды күйде екеніне көз жеткізу маңызды. Дөңгелектерге, тежегіш жүйесіне және жарықтандыруға ерекше назар аудару керек. Көктайғақ пен нашар көріну кезде қалыпты жұмыс істейтін көлік төтенше жағдайлар қаупін айтарлықтай төмендетеді.

Жүргізушілерге жылдамдық режимін қатаң сақтау ұсынылады, әсіресе жаңбыр, қар немесе тұман сияқты қиын ауа-райы жағдайында. Төмендетілген жылдамдық сырғанау мен соқтығысудың алдын алуға көмектеседі және күтпеген жағдайларға әрекет етуге мүмкіндік береді.

Полицейлер ауа-райының қолайсыздығында жол қозғалысының барлық ережелерін сақтау өте маңызды екенін еске салады. Жүргізушілер жаяу жүргіншілерге, басқа көліктерге және жолдағы күтпеген кедергілерге мұқият болуы керек.

Жеке қауіпсіздік шараларын елемеуге болмайды. Егер ауа-райы тым қауіпті болса, жүргізушілерге сапарлардан бас тартуға кеңес беріледі. Жаяу жүргіншілер жолда, әсіресе қараңғыда, киімдегі шағылыстыратын элементтерді пайдаланып, көзге түсуі маңызды.

Тәртіп сақшылары аймақ тұрғындарын өз өмірі мен айналасындағылардың өмірі үшін жауапкершілікті көрсетуге, сондай-ақ ауа райы болжамының қадағалауға және құзыретті органдардың ұсыныстарын тыңдауға шақырады.