Алматы облысында туристерді тонау дерегі «ізі суымай» ашылды

Ағымдағы жылдың 9 маусымында Еңбекшіқазақ аудандық полиция басқармасының Шелек полиция бөлімінің кезекші бөліміне Шарын шатқалының сұлулығын көруге велосипедтерімен барған Алматы қаласының 47 және 20 жастағы интернет қоғамдастығының саяхатшылары, Қазақстан ауылында "Алматы-Көкпек-Көктал" автожолының 76 – шақырымында оларға белгісіз екі ер адамның шабуыл жасалғаны туралы арызданған. Олар ашық түрде күш қолдану арқылы саяхатшылардың бірінің 13 мың теңге көлеміндегі ақшасын қолды қылып, екіншісінің тізесіне жарақат келтіре отырып соққыға жыққан. Алған жарақат салдарынан саяхат соңына жетпеген. Аталған дерек ҚР ҚК-ның 191-бабы 2-бөлгі 1,2-тармағы бойынша тіркелді.
Полиция қызметкерлері тез арада іздестіру жұмыстарын жүргізіп, ұйымдасқан жұмыстың нәтижесінде 27 және 30 жастағы Бәйдібек Би ауылының екі тұрғынын анықтап, ұстады.Олар ұсынылған дәлелдемелерден кейін өздерінің кінәсін толық мойындады. Күдіктілер уақытша ұстау оқшаулағышына қамаққа алынды.
«Сотқа дейінгі тергеу Шелек полиция бөлімінің тәжірибелі тергеушісіне тапсырылды, ол бір тәулік ішінде сараптама тағайындап, барлық тергеу әрекеттерін жүргізді. Ұсталғандарға мүлкi тәркiленiп, үш жылдан жетi жылға дейiнгi мерзiмге бас бостандығын шектеуге не сол мерзімге бас бостандығынан айыру жазасы қолданылуы мүмкін», - деп атап өтті Еңбекшіқазақ АПБ Шелек полиция бөлімі бастығының орынбасары полиция майоры Дидар Базарбаев.
Күдіктілер қылмыс жасаудың қосалқы құралы ретінде қолданған «Ваз 21014» маркалы автокөлігі сот шешіміне дейін арнайы тұраққа қойылды. Іс материалдары сотқа жіберілетін болады.

 

Алматы облысы ПД баспасөз қызметі