Мемлекет басшысының және ҚР Ішкі істер министрінің тапсырмасы бойынша ішкі істер органдарын цифрландыру бағдарламасы шеңберінде, сондай-ақ жол қауіпсіздігінің алдын алу жөніндегі жұмыстың тиімділігін арттыру мақсатында біз қызметтік автокөліктің 20 бірлігін Ekin X-Spotter Mobile бірыңғай эргономикалық құрылғысымен жабдықтадық.

Аппараттық-бағдарламалық кешендер қоршаған ортаны фото-бейнетіркеуге, көлік құралдарының қозғалыс жылдамдығын өлшеуге, көлік құралдарының нөмірлік белгілерін тануға және жалпы жол-көлік оқиғаларына әкеп соқтыратын ЖҚЕ-ның бұзылуын анықтауға арналған.

Құрылғы автоматты режимде қозғалыстағы және қозғалыссыз тұрған көлік құралдарының нөмірлік белгілерін таниды, түсірілген қоршаған ортаның деректерін «Бүркіт» полиция борттары жедел ден қою үшін жедел басқару орталығына жолдайды. Кешендер Бас прокуратураның ӘҚББТ деректер базасымен біріктірілген. Осыған негізде азаматтарды жол ережелерін қатаң сақтауға шақырамыз.