ПОЛИЦИЯ ҚЫЗМЕТКЕРЛЕРІ МАС КҮЙДЕ ТЫНЫШТЫҚ БҰЗҒАН ҚҰҚЫҚБҰЗУШЫНЫ ҰСТАДЫ

Алматы облысы Қонаев ҚПБ кезекші бөліміне көп пәтерлі үйлердің бірінде жергілікті тұрғын қоғамдық тәртіп пен тыныштықты бұзғаны туралы хабарлама келіп түсті. Оқиға орнына "Бүркіт-258"патрульдік полиция жасағы жіберілді. Аталған орынға жеткен полиция қызметкерлері фактіні растады. Қазіргі уақытта "С" есімді азаматқа қатысты ҚР ӘҚБтК-нің 437, 667 және 434-баптары бойынша әкімшілік хаттамалар толтырылды.

Полиция қызметкерінің заңды талабына бағынбағаны үшін сот тәртіп бұзушыны 8 тәулікке әкімшілік қамауға алды. Қазіргі уақытта құқық бұзушы Қонаев қаласының уақытша ұстау оқшаулағышында.