ПОЛИЦЕЙЛЕР АЛМАТЫ ОБЛЫСЫНДА ЖАҢА АЙНАЛМА ЖОЛ АЙРЫҒЫНЫҢ АШЫЛҒАНЫ ЖАЙЫНДА ХАБАРЛАДЫ

Үлкен Алматы айналма автомобиль жолы (ҮАААЖ) құрылысының концессиялық жобасы аясында 18.08.2022 жылы Қырғауылды кентінде орналасқан жол айрығы ашылды.

"Аталған жол айрықта 5 бағытқа шығатын съезд бар: Алматы қ., Ұзынағаш ауылы, Қырғауылды , Раймыбек кенті және тікелей ҮАААЖ-ға съезд. Мердігер ұйым айналма жол аумағын абаттандыру бойынша кешенді жұмыстар жүргізді, атап айтқанда, 60-қа жуық жол белгілері, 3 жаяу жүргіншілер өткелі орнатылып, жарықтандыру, іргелес аумақты көгалдандыру жұмыстары жүргізілді . Сонымен қатар, барлық бағыттар бойынша тротуарлар салынды”,-деп хабарлады Алматы облысы ПД ӘПБ бастығы, полиция полковнигі Нұрлан Ысқақов.

Айта кетейік, жол айрық құрылысы ағымдағы жылдың 02 мамырында басталған. Мердігер ұйым құрылысты белгіленген мерзімінен бұрын аяқтады.