ТАЛДЫҚОРҒАН ҚАЛАСЫНЫҢ МАҢЫНДА ПОЛИЦЕЙЛЕР АУЫР ЕСІРТКІНІҢ ІРІ ПАРТИЯСЫ БАР КҮДІКТІНІ ҰСТАДЫ

Талдықорған қаласының маңында Алматы облысы ДП Есірткі қылмысына қарсы іс-қимыл басқармасының қызметкерлері ШҚО полиция қызметкерлерімен бірлесе отырып ауыр есірткінің ірі партиясын тасымалдаған ер адамды ұстады.
17 шілде күні «Алматы-Өскемен» тас жолында полиция қызметкерлері Ескелді ауданының 24 жастағы тұрғыны басқарған «Daewoo Lacetti» көлігін тоқтатты. Тәртіп сақшылары көлікті тексеру барысында синтетикалық есірткіге жататын төрт полиэтилен пакетке салынған 2 кг мефедронды тапты.
«Қазіргі таңда көліктің 24 жастағы жүргізушісі уақытша ұстау изоляторына қамаққа алынды. Аталған дерек бойынша ҚР ҚК 296-бабы 4-бөлігі (Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) бойынша қылмыстық іс қозғалды» - деп хабарлады Алматы облысы ПД ЕҚҚІҚБ бастығы, полиция полковнигі Казбек Мухамедов.

Алматы облысы ПД Баспасөз қызметі.