АЛМАТЫ ОБЛЫСЫНЫҢ ПОЛИЦИЯ ҚЫЗМЕТКЕРЛЕРІ СТУДЕНТТЕРМЕН КЕЗДЕСУ ҰЙЫМДАСТЫРДЫ

2022 жылдың 11 ақпанында Алматы облысы Полиция департаменті Кадр саясаты басқармасының қызметкерлері І. Жансүгіров атындағы Жетісу университетінің 3-4 курс студенттерімен жұмыс кездесуін өткізді.
«Бұл кездесудің мақсаты-жас студенттерге жоғары оқу орнын бітіргеннен кейін жұмыс орындарын ұсыну, жұмыс жағдайымен таныстыру. Сондай-ақ, жылдам қимылдайтын арнайы жасағының бөлімшелеріне жұмысқа орналасу мүмкіндігі туралы айтып, болашақ түлектерге ЖҚАЖ бөлімшелеріндегі жұмыстың қыр-сыры, маңыздылығы және жауапкершілігі туралы егжей-тегжейлі түсіндірді», - деді Алматы облысы КСБ бастығы, полиция подполковнигі Талант Жұмабек.
Кездесу барысында құқық қорғау органдарының қызметкерлері ІІО-дағы жұмыс бойынша, қызметке кіру тәртібі туралы студенттерді қызықтыратын барлық сұрақтарға жауап берді.

Алматы облысы ПД Баспасөз қызметі