ЕСІК ҚАЛАСЫНДА ПОЛИЦЕЙЛЕР ҚАРЖЫЛЫҚ САУАТТЫЛЫҚ ПЕН КИБЕРҚАУІПСІЗДІК БОЙЫНША САБАҚ ӨТКІЗДІ

Алматы облысында Полиция департаментінің қызметкерлері Экономикалық тергеп-тексеру департаментінің мамандарымен бірлесіп, қаржылық сауаттылықты арттыру және интернет-алаяқтықтың алдын алу мақсатында түсіндіру жұмыстарын жүргізді.

Іс-шара 2025 жылдың 22 қазанында Еңбекшіқазақ ауданы Есік қаласында, Белсенді ұзақ өмір сүру орталығы мен №6 лицей-гимназия базасында өтті. Кездесуге орталықтың қарттары, сондай-ақ 9–11 сынып оқушылары мен мектеп мұғалімдері қатысты. Барлығы 170-ке жуық адам қамтылды.

Алматы облысы Полиция департаментінің Киберқылмысқа қарсы іс-қимыл басқармасының және Еңбекшіқазақ аудандық полиция бөлімінің қызметкерлері қатысушыларға интернет-алаяқтықтың ең кең тараған түрлері, әлеуметтік желілер, банк қосымшалары мен мессенджерлер арқылы жасалатын алдау тәсілдері туралы айтып берді. Сондай-ақ интернетті қауіпсіз пайдалану ережелері мен жеке деректерді қорғау жолдары түсіндірілді.

Экономикалық тергеп-тексеру департаментінің өкілдері тыңдаушылардың назарын қаржылық сауаттылық мәселелеріне, қаржылық ұсыныстардың, инвестициялар мен онлайн-қарыздардың шынайылығын тексерудің маңыздылығына аударды.

– Цифрлық технологиялар қарқынды дамып келе жатқан қазіргі заманда абай болу және ақпараттандырылған болу аса маңызды. Қауіпсіздік ережелерін білу – өзіңіз бен жақындарыңызды алдау әрекеттерінен қорғаудың ең тиімді жолы, – деп атап өтті кездесудің ұйымдастырушылары.

Мұндай іс-шаралар тұрақты түрде өткізіліп, азаматтардың құқықтық сауаттылығын арттыруға және интернет пен цифрлық қаржы қызметтерін жауапкершілікпен пайдалануға бағытталған.