ЗАҢ ЖӘНЕ ТӘРТІП – ҚОҒАМ ДАМУЫНЫҢ НЕГІЗІ

Мемлекет басшысы Қасым-Жомарт Тоқаев өзінің жыл сайынғы Жолдауында заңдылықты нығайтудың, әділдік пен азаматтардың мемлекеттік институттарға деген сенімін арттырудың маңыздылығын ерекше атап өтті.

Президенттің айтуынша, басты міндет – халықтың үніне құлақ асатын мемлекет құру, яғни шешім қабылдау барысында азаматтардың мүддесі мен пікірін ескеру. «Мемлекет тек қана жүгінулерге жауап беріп қоймай, сонымен бірге диалогтың бастамашысы болып, қоғаммен сенімді қарым-қатынас орнатуы тиіс», – деді Тоқаев.

Маңызды басымдықтардың бірі – ішкі істер органдарының рөлін арттыру. Президент олардың жұмысының ашықтығын қамтамасыз етуді, халықпен өзара әрекеттесуді күшейтуді, құқық қорғау жүйесіне сенімді нығайтуды тапсырды. Полиция жазалаушы орган емес, қоғамның сенімді серіктесі болуы қажет. Қызметкерлердің әрекеттері – тұрмыстық жанжалдарға ден қоюдан бастап, резонансты қылмыстарды тергеуге дейін – азаматтарға ашық әрі түсінікті болуы тиіс.

Мемлекет басшысы заңды әділ әрі қатаң сақтау – қоғам тұрақтылығы мен халықтың ертеңгі күнге деген сенімінің негізі екенін атап өтті. Осы мақсатта қылмыстың алдын алу шаралары күшейтіліп, тергеу әдістері жаңғыртылып, полицияның халықпен жұмысындағы жаңа стандарттар енгізіледі.

«Біздің мақсатымыз – азаматтарын тыңдайтын, түсінетін және қолдайтын мемлекет құру. Бұл – Қазақстан дамуының шынайы жолы», – деп қорытындылады Президент.