11 мамыр күні Ақтөбе облысы Полиция департаментінің ғимаратында 20-дан астам ақтөбелік еріктілер марапатталды

11 мамыр күні Ақтөбе облысы Полиция департаментінің ғимаратында 20-дан астам ақтөбелік еріктілер азаматтық белсенділік танытып, төтенше жағдай кезінде ішкі істер органдарына көмек көрсеткені үшін марапаттады.

Азаматтық белсенділігі, қоғамдық тәртіп пен азаматтардың қауіпсіздігін қамтамасыз етуде ішкі істер органдарының жұмысына көмек көрсеткені үшін ішкі істер министрі Ерлан Тұрғымбаевтың алғыс хатымен 4 ақтөбелік ерікті марапатталса, 19-ы Ақтөбе облысы Полиция департаментінің бастығы Атығай Арыстановтың алғыс хатымен марапатталды. Салтанатты түрде ішкі істер министрінің бұйрығын оқып, алғыс хаттарды  ПД бастығы Атығай Арыстанов табыс етті.

"Биылғы жыл Президент Жарлығымен еріктілер жылы болып жарияланды. Олардың арқасында біздің елімізде көп жұмыстар атқарылуда. Сіз бүгінгі күнге дейін көмекке мұқтаж адамдарға, азаматтарға қол ұшын созасыз. Соған сізге және сіздің ата-аналарыңызға шын жүректен алғыс білдіремін. Қиын уақытта ел үшін атқарған игі істеріңіз үшін ризамын. Сіз төтенше жағдай кезінде ғана емес, күнделікті өмірде де көмек көрсететініңізді білемін, біздің қызметкерлерімізбен бірге сіз із-түссіз жоғалған адамдарды іздеуге атсалысып,  шын мәнінде біздің еліміздің патриоты екендігіңізді дәлелдедіңіз. Сіздерге жақсылық, қуаныш тілеймін және  игі істеріңіз сіздерге еселеп қайтсын ", - деді Ақтөбе облысының ПД бастығы Атығай Арыстанов.

Өз кезегінде сенім артқаны үшін "Зеленло-поиск" тобының еріктісі Екатерина Голотина алғысын білдіріп, Ақтөбе облысы ПД бастығының алғыс хатымен марапатталды.

"Сіздің сеніміңіз үшін рахмет. Біз әрдайым іздеу және ТЖ кезінде қолдауға тырысамыз. Біз ынтымақтастыққа өте қуаныштымыз, әрдайым байланыста болған балаларға рахмет", - деді ол.