Қазақстан халқының бірлігі күні мерекесі қарсаңында 30 сәуірде Ақтөбе облысы ПД бастығы Атығай Арыстанов көп балалы Жетесовтар отбасына барып, азық-түлік түрінде көмек көрсетті

Көп балалы отбасы Жетесовтар 21 баланы тәрбиелеуде, оның ішінде 18 бала патронатық және қамқорлыққа алынып тәрбиеленуде. Жетесовтар отбасындағы әр адам музыкалық аспапта ойнайды және "Шашу" ансамблі біздің облыста ғана емес, одан тыс жерлерде де танымал болып келеді.

Көп балалы отбасына барған А. Арыстанов ата-аналарына балаларды тәрбиелегені үшін алғысын білдіріп, оларға бақыт тіледі.

"Ертең 1 мамыр - бірлік мерекесі. Елімізге бірлік, жақсылық тілеймін. Ауыр жағдайларға қарамастан, сіздің отбасыңыз елдің дамуына өз үлесін қосып, онлайн форматта концерттер өткізудесіз", - деді А. Арыстанов.

Өмірхан Жетесовтың жұбайы Алмагүл Ешпанова Полиция департаменті бастығына алғысын білдіріп, балаларын өнерге баулып, тәрбиелейтіндерін атап өтті. Карантин күндері бүкіл отбасы үйде, ал көптеген қамқорлық танытқан ақтөбеліктер азық-түлікпен көмектесуде.

Отбасылық ансамбль құрамындағы балалар ПД бастығына Құрманғазының "Балбырауын" күйін орындады, ал 8 жасар Жарқынай Жетесова Жетіген аспабымен "Кербез керік" атты халық шығармасын ойнады.