Абай облысының полицейлері балаларға есірткінің зияны туралы айтып берді

Нашақорлық тақырыбы бүгінде әсіресе өзекті болып саналады, өйткені оның кең таралуы елеулі шараларды қажет етеді.

Халықтың ең сезімтал санаты болып табылатын жасөспірімдер ерекше профилактикалық жұмысты қажет етеді.

Сондықтан да есірткі қылмысына қарсы іс-қимыл басқармасының қызметкерлері ювеналды полиция инспекторларымен бірлесіп, Семей қаласының №6 мектеп-гимназиясының жоғары сынып оқушыларымен кезекті кездесу өткізді.

Есірткі құралдарын қолдануға жол бермеу туралы Абай облысы ПД есірткі қылмысына қарсы іс-қимыл басқармасының аға жедел уәкілі полиция подполковнигі Гаухар Еспаева айтып берді.

Ол есірткінің заңсыз айналымы саласындағы қылмыстар, әкімшілік және қылмыстық жауапкершілікке тарту негіздері үшін қолданыстағы заңнаманың нормалары туралы ақпаратты жеткізді. Есірткі сату, сақтау, пайдалану және сот шешімдері үшін анықталған тіркелген қылмыстардың мысалдарын келтірді.