Қазақстан мен Армения сауда-экономикалық ынтымақтастықты арттыру мүмкіндіктерін талқылады

Отандық бизнесмендер біздің елдеріміз арасындағы сауда-экономикалық қатынастарды, туризм мен логистиканы дамытуға арналған Еревандағы Қазақстан-Армения іскерлік форумына қатысты.

Іс-шараға Қазақстан Республикасының мемлекеттік органдары мен бизнес-қоғамдастығының өкілдері, Армения Республикасының экономика министрі Геворг Папоян, ұзақ мерзімді қатынастарды кеңейтуге және жолға қоюға мүдделі Арменияның сауда-өнеркәсіп палаталарының, салалық қауымдастықтары мен секторалдық бірлестіктерінің басшылары қатысты.

Форумға қатысушылар Қазақстан мен Арменияның инвестициялық және бизнес мүмкіндіктерін, сондай-ақ туристік әлеуетін таныстырды. Көлік бағыттарын әртараптандыру және экспорттық-импорттық және транзиттік операцияларды ұйымдастырудың жаңа тізбектерін құру мәселелеріне ерекше назар аударылды.

Форум аясында В2В кездесулер мен келіссөздер өтті, олардың қорытындысы бойынша бірқатар құжаттарға қол қойылды. Олар:

❖ Қазақстанның Сыртқы сауда палатасы мен Арменияның Сауда-өнеркәсіп палатасы арасындағы өзара түсіністік туралы меморандум;

❖ «КAZAKH INVEST» АҚ мен Арменияның Инвестицияларды ынталандыру агенттігі арасындағы өзара түсіністік туралы меморандум.;

❖ «Kazakh Tourism» Ұлттық компаниясы» АҚ мен Армения Туризм Федерациясы арасындағы өзара түсіністік туралы меморандум;

❖ «AirGas-Eurasia» ЖШС мен «АМА Компрессор» ЖШҚ БК арасындағы келісімі;

❖ «AirGas-Eurasia» ЖШС мен «RSV GROUP» ЖШС арасында 4 типті композиттік баллондарды өндіру туралы келісім;

❖ «AirGas-Eurasia» ЖШС мен «ГАЗАРТ» ЖШС арасындағы автогаз толтыру компрессорлық станциясы туралы келісім;

❖ «Legal Consulting Community Limited» ЖШС мен «Lawsuit Law firm» арасындағы ынтымақтастықтуралы келісім.